Fréttir

Kjarnafæði Norðlenska hf hefur ákveðið að gefa út lágmarks verðhækkun á dilkakjöti fyrir slátúrtíðina 2022 og að greiða uppbót á dilkakjötsinnlegg haustsins 2021. Ákvörðunin gildir fyrir innlegg til dótturfélaga Kjarnafæðis Norðlenska, SAH Afurðir og Norðlenska matborðið.

Verðskrá fyrir nautgripi hefur verið uppfærð. Nýja verðskráain tekur gildi 13.12.2021.

Í kjölfar heimildar til samruna Kjarnafæðis, Norðlenska og SAH Afurða var á hluthafafundi 9. september síðastliðinn kjörin ný stjórn í móðurfélag samstæðunnar. Móðurfélagið ber nafnið Kjarnafæði Norðlenska hf. og hefur heimilisfesti á Akureyri. Dótturfélögin eru Norðlenska matborðið ehf., SAH Afurðir ehf. og GMS ehf..

Breytingar á geymslu á innmat úr nautgripum. Frá og með 8 september 2021 verður ekki hægt að óska eftir að innmatur úr nautgripum verði frystur. Sækja verður innmat síðasta lagi daginn eftir slátrun.

Sameiginleg verðskrá Norðlenska og SAH fyrir sauðfjárinnlegg haustsins hefur verið uppfærð. Breyting er á verði fyrir dilkakjöt en verð fyrir fullorðið og heimtöku er óbreytt.

SAH Afurðir ehf boða til bændafundar þriðjudaginn 24.ágúst 2021 í mötuneyti SAH Afurða kl: 12:00. Boðið verður upp á mat. Á fundinum verður rætt um komandi sláturtíð og fl. Það er von okkar að þú sjáir þér fært að mæta og taka þátt í umræðum með okkur.

Norðlenska og SAH Afurðir hafa gefið út verðskrá og greiðslufyrirkomulag fyrir komandi sláturtíð.

Samkomulag um samruna Kjarnafæðis, Norðlenska matborðsins og SAH afurða var undirritað í júlí 2020. Samkeppniseftirlitið heimilaði samrunann með skilyrðum hinn 12. apríl síðastliðinn og síðan hafa stjórnir og stjórnendur félaganna unnið að því hörðum höndum að uppfylla skilyrðin til að fá heimild til að framkvæma samrunann. Nú hafa þau skilyrði verið uppfyllt og geta samrunafélögin því hafið sameiningarferlið.

Samkeppniseftirlitið hefur í dag heimilað samruna kjötafurðastöðvanna Norðlenska, Kjarnafæðis og SAH afurða með skilyrðum. Samrunaaðilar brugðust við mati eftirlitsins á skaðlegum áhrifum samrunans á samkeppni með því að setja fram tillögur að skilyrðum sem væru til þess fallnar að mæta áhyggjum Samkeppniseftirlitsins af skaðlegum áhrifum samrunans á samkeppni, en gerðu um leið samrunaaðilum kleift að framkvæma samrunann og ná markmiðum hans.

Aðalfundur Sölufélags Austur Húnvetninga svf. verður haldinn þann 25. mars í mötuneyti SAH Afurða ehf. Húnabraut 39.